ماكن مهتمة جداً بالسفر أكيد مش بس من خلال تنظيم الرحلات الداخلية وتعريف الناس على مصر عن قرب من خلال الاحتكاك بالمحليين فى كل مكان لكن كمان من خلال تعريف الناس أكتر عن أهمية السفر وفوايده وايه اللى ممكن تكتشفه من خلال السفر وايه اللى ممكن تقدمه للمجتمع من خلال سفرك. عشان كده حبينا نبتدى سلسلة ندوات أو جلسات كل هدفها استضافة شخصيات شغوفة جداً بالسفر والرحلات تحكيلنا أكتر وتعرفنا جوانب كتير ممكن نكون لسة ما اكتشفنهاش من خلال تجربتهم وخبرتهم اللى عاشوها. 

أول مسافر معانا فى حكاوى الأماكن هو الكاتب المصرى عمرو بدوي مؤلف كتاب "مسافر الكنبة في إيران" 
هيحكيلنا حكايات كتير ويكلمنا عن رحلته لإيران اللى جمعها فى كتاب جامد جداً بيحكى فيه عن جوانب كتير مختلفة محدش يعرف عنها حاجة غير الفكرة المأخوذة عن إيران 

قالوا عن عمرو بدوى:
"حقيبة السفر كانت تلازمه دوما في درب اختاره لنفسه، ليتحول معها مسؤول الاستثمار في إحدى شركات البترول، إلى مغامر ومصور وكاتب، يتجول بين البلاد المختلفة، يسمع ويشاهد ويسجل لحظات ربما ينفرد بها وحده، فيعود ليشاركها مع غيره.
بين شوارع أصفهان، وجوامع طهران، وبيوت قزوين، وحواري كاشان والمشتى، كانت رحلته هذه المرة، والتي قضى خلالها 3 أسابيع يدون يوميات جمعتها عينه وأذنه، بلغ عددها 400 صفحة، كان نتاجها كتابه "مسافر الكنبة في إيران".. عمرو بدوي"


لكل محبى السفر واللى شغوف بالاكتشافات والتعرف على كل جديد اوعوا تفوتوا الجلسة دي

فين؟
مكتبة تاون هاوس جاليرى الدور التاني في وسط البلد 

امتى؟ 
يوم الأربعاء 26 أغسطس الساعة 6:30 

مستنينكم اوعوا تتأخروا :)