تمانيناتى.... تسعيناتى
احتفالية مرور 4 سنين على تأسيس مشروع التحرير لاونج جوته
فاكرين أيام التمانينات والتسعينات وأغانيها ولبسها وجوها؟؟ فاكر أول جهاز كمبيوتر اشتريته وأول موبيل مسكته؟؟ كانت أيام ليها جو وطعم مختلف لما بنفتكرها بنحس بالسعادة والحنين.
احنا هنرجعكم تانى للأيام دى في احتفالية مرور 4 سنين على تأسيس مشروع التحرير لاونج جوته من خلال فعاليات كتيرة خلال اليوم هتحس انك فعلاً رجعت للتمنينات والتسعينات، الحفلة هتكون:

يوم الأربعاء 8 إبريل 2015 الساعة 4 عصراً في حديقة الحرية نهاية كوبري قصر النيل من ناحية الزمالك.

بس الدخول هيكون من خلال دعوة مجانية هتستلمها في مقر مشروع التحرير لاونج جوته هتسجل بياناتك وهتستلم الدعوة، ولازم تجيب الدعوة معاك يوم الحفلة علشان الدخول، هنعلن عن أيام استلام الدعوة قريب على الصفحة.

https://docs.google.com/forms/d/18py3RTAeRTo0MH-NsB0DUfUSs9-11wmJ7CiQHBGvI6g/viewform

تعالى بلبس التمنينات والتسعينات وهات معاك الحاجات اللى أنت محتفظ بيها من الأيام دى وهيكون فيه مكان مخصص لعرضها في الاحتفالية.
والمفاجأة هيكون معانا:
الفنان الكبير "حسام حسنى" وهنرجع من خلال أغانيه إلى أيام التمنينات
وهيكون معانا "أوسكاريزما" باند ضمن فعاليات اليوم.
مش بس كده احنا هنظم ورش عمل مجانية متنوعة خلال اليوم زى:

تصوير فوتوغرافى بالأزياء الشعبية ولبس التمينات
رسم بالالوان المياه 
أورجامى (فن طي الورق)
رسم كاريكاتيري للوجوه
سلك مطوى
طمى / فخار 
ترميم 
طيارات ورق 
لعب أتارى 
لعبة كونكت فور كبيرة 
اكسسوارات 

احنا بنحتفل بمرور 4 سنين على تأسيس مشروع التحرير لاونج جوته، أربع سنين نظمنا أنشطة كتيرة شوفنا شباب كتير جواه طاقة كبيرة ونفسه بجد أنه يتعلم حاجة جديدة ويكون مواطن ايجابى وفعال في المجتمع المصرى، شباب بينمى مهاراته وشباب بيحاول ينشر الوعى في المجمتع، واحنا حاولنا على قد ما نقدر أننا نفيد الشباب ونساعدهم على تنمية مهاراتهم واكتشاف مواهبهم.
أسست الأستاذة منى شاهين مشروع التحرير لاونج جوته في ابريل 2011 وهو أحد مشروعات المركز الثقافي الألماني، يعمل المشروع على تنمية مهارات الشباب في مجالات مختلفة تساعدهم على مواكبة متطلبات سوق العمل كما تساعدهم في حياتهم الشخصية، وذلك من خلال تنظيم مجموعة من ورش العمل مثل ورش التصوير الفوتوغرافى – الإذاعة – الكوميكس – الكاريكاتير – مهارات العرض والتقديم – مهارات التواصل – حل المشكلات بطريقة إبداعية وغيرها من الورش، إلى جانب تنظيم مجموعة من الفعاليات والحفلات والندوات التي تناقش قضايا شبابية مختلفة، كما يدعم المشروع المبادرات الشبابية الجادة التي تسعى أن يكون لها دور إيجابى وفعال في المجتمع المصرى.
التحرير لاونج جوته مشروع حيادى غير هادف للربح يتبنى مجموعة من القيم التى ينظم بموجبها الفعاليات المختلفة على النحو التالى:
الحيادية: المساواة بين الجنسين وتكافؤ الفرص بين الجميع بغض النظر عن جنسهم أو تنوع خلفياتهم الثقافية أو السياسية أو معتقداتهم الدينية. 
المسؤولية: تتمثل في الالتزام، والدقة في الحفاظ على المواعيد، والحفاظ على أخلاقيات العمل. 
الاحترام: وذلك من خلال مناخ عمل يسوده الاحترام والتفاهم المتبادل، وإعطاء فرصه للأخر لتوضيح أفكاره ووجهة نظره مما يساهم في نشر ثقافة التسامح. 
الحرية: سواء حرية المعتقد، حرية الإبداع والتعبير، وتعتبر الحرية هي أساس المجتمع الديمقراطي.
الشفافية: في المعلومات والأهداف وفي اختيار فريق العمل والتواصل مع الشركاء.