| الموضوع: | |
| النوع: | |
| التاريخ: | ١٩ يونيو، ٢٠١٣ ٥:٠٠ مساءً |
| تنظمها: | 1 |
| المكان: | مقر محافظة القاهرة |
| العنوان: | ميدان عابدين، عابدين |
زعلان على مدينتك اللى بتتهد؟
حاسس انك بقيت غريب فى نفس المكان اللى انت عايش فيه؟
زهقت من السكوت على البلدوزر اللى جي على الأخضر واليابس؟
طب تقول ايه لما كمان مدينتك القديمة وتاريخك وذكرياتك بيتشوه وبيتدمر؟
مدينة الألف مئذنة بقيت مدينة الألف خازوق!
المدينة التاريخية اللى اتسجلت على قائمة اليونيسكو فى السبعينات لأنها تراث إنسانى عالمى مميز وفريد، دلوقتى بتتهد وبيتم تغيير معالمها الحضرية بالكامل
والمسؤولين والمقاولين فى عالم تانى بيتعاملوا معاها كإنها مدينة عشوائية خارجة عن السيطرة وتستحق التخريب
القاهرة بتتهد، القاهرة بتضيع!
هنفضل ساكتين؟
السكوت جريمة وإحنا بطلنا سكات.
انزلوا يا أهل القاهرة الشارع وطالبوا بوقف الفوضى!
انزلوا نسمعهم صوتنا
انزلوا عشان نقولهم يرحموا القاهرة!
تعالوا معانا نتجمع يوم الأربعاء 19 يونيو الساعة خمسة فى ميدان عابدين قصاد محافظة القاهرة
ولو انت اسكندرانى أو بور سعيدى، من المنصورة أو من الأقصر
انزل معانا قدام محافظتك وزعق بعلو صوتك وقول
أوقفوا عمليات الهدم و التشويه!
أوقفوا المجزرة اللى حلت على المدن المصرية!
