سمر عزت هتقدم ورشة رقص معاصر للمرة الأولى، لا تفوتوا فرصة استكشاف أسلوبها!

الورشه بتركز علي التنقل بين الحركات الأفقية و الرأسية علي الأرض. فكرة انك تتحرك لفوق و لتحت بسهوله، مع المحافظة علي استمرارية و انحناءات الجسم الطبيعية. من خلال الفكره دي، بنحاول نلاقي الحركة الأصلية للجسم اللي بتؤدي الي حركات قويه عميقه و سلسه. خلال 3 ايام الورشة، هندور اننا نوصل لأسلوب يساعد الجسم انه يشفي و يخرج الطاقة، و نسمح لطاقات جديده انها تدخل و نحس بتدفق الطبيعة خلال الجسم. هدف الورشة هو الحصول علي جمله حركية تشمل كل العناصر.

رسوم الاشتراك:
6 ساعات / 3 أيام ورشة: 300 جنية

** سجل قبل بداية الورشة ب ٥ أيام علي الأقل و هتاخد ١٠% خصم
** خصم الاصدقاء: 15% ( تعالي سجل انت و 2 من أصحابك وهتاخدوا انتم ال 3 خصم 15%)
خصم العائلة: سجل/ي إتنين من أولادك في الورشة معانا وهتاخد/ي 15% خصم على رسوم الطفل الثاني
** لا يمكن الحصول علي نوعين خصم مع بعض
** الحد الأدني لبداية الكورس هو 5 أفراد

للتسجيل برجاء إرسال ايميل علي:
info@cairocontemporarydancecenter.com

*** لتأكيد الحجز يجب دفع 50% من رسوم الاشتراك مقدماً قبل بداية الورشة ودفع المبلغ المتبقي في اليوم الأول من الورشة كحد أقصى.
*** الأماكن محدودة
---------------------

سمر عزت

رحلة سمر مع تعلّم وممارسة الرقص المعاصر بدأت في 2006 لتستمر حتى 2013، شاركت خلالها في ورش عمل مختلفة. اكتشفت الكابويرا في 2013، وشاركت في عدة عروض في مصر وخارجها. ومن ثم التحقت ببرنامج الرقص المعاصر الاحترافي بدوام كامل لدى مركز القاهرة للرقص المعاصر، وإلى جانبه استمرت بالمشاركة في ورش العمل والعروض والتدريبات الأخرى. شاركت مؤخراً في ورشة في أيرلندا قبل أن تعود لتبدأ بالتدريس في المركز.
---------------------