طواحة سيوة .. من أطيب ما خلق ربك في البلد ديه
نهر تحت الأرض في الصحراء الغربية ، تحفر في اي حته في سيوة يطلعلك ميّه خيرها يفيض بالعمار والرزق حواليها ، إتقان رباني في معنى "إتحاد قوى الطبيعة"
وكإن الميه والصحرا عملوا إتفاقية سلام مع بعض هناك من زمان ..
سيوة البوابة الشرقية لبلاد "الأمازيغ" وهم أهلها من قدم الأزل
مُسالمين زي أرضهم محافظين عليها وعلى أي حد عايش فيها
لغتهم الأم أمازيغي وبعدها عربي ، وفي الإتنين لهجتهم سيوي ..
لسه فيه كتير هتعرفوه عن سيوة .. تعال شوف وإسمع .. الزجالة !

بالتعاون مع جمعبة حاوية سيوة

يوم الجُمعة والسبت الجايين مجموعة موسيقين هينوروا القاهرة من سيوة .. وهيعملوا حفلتين مزيكا بالإشتراك مع موسيقين من القاهرة في يومين ورا بعض في بيت الرصيف.

برنامج اليومين :
إن شاء الله هيبقى في معرض منتجات يدوية من سيوة في بيت الرصيف وهيبقى في أكل سيوي في بيت الرصيف طول اليومين.

الحفلات هتبدأ الساعة 8 مساءً
الموسيقين اللي جايين من سيوة :

صالح طجة - مُنسق عام
عيسى موسى - مزمار
عتمان عبده - ناي
جُمبز - مزمار وناي
عكوش - مُغني صوفي ودُف
علي بوعبعب - طبلة - دُف
مُحي ممدوح - طبلة ودف وراقص
فتحي عمورة - مُغني - وطبلة
بكرين سيسو - طبلة ودُف وغناء صوفي
بشونة - طبلة ودُف وغناء صوفي
إدريس إدجالي - سمسمية وغناء وشاعر .

إستنوا تفاصيل المزيكاتية من القاهرة ..

دخول الحفلة بـ 25 جنيه
للحجز إتصل بـ مالِك على 01005224291
----------------------------------------------------------------------------------
بيت الرصيف فيلا رقم 9 في شارع 151 متفرع من ميدان الحرية في المعادي قدام بنك أبو ظبي.


وصف تفصيلي علشان تعرف تيجي بيت الرصيف


لو هتركب مترو : هتخرج من محطة مترو المعادي من إتجاه المرج على شارع 7 هتمشي يمين وتدخل لحد ما هتلاقي محل الشبراوي تدخل من جنبه شمال أول ناصيه تقابلك هتلاقي بنك أبو ظبي على يمينك وبيت الرصيف قدامه.

لو جاي بعربية أو تاكسي هتاخد طريق كورنيش المعادي : هتدخل مدخل المعادي رقم 1 من عند أكاديمية السادات في أول يمين في أول شمال هتطلع على ميدان الحرية ب هتكمل علطول في نفس الشارع وهتدخل تاني شمال بعد الميدان لحد آخر الشارع هتلاقي بيت الرصيف على شمالك فيلا قدام بنك أبو ظبي .

لو هتركب ميكروباص هتنزل موقف العرب أو صقر قريش على حسب إنت جاي منين وهتركب ميكروباص بيقول مترو وتقول للسواق ينزلك ميدان الحرية هتدخل شارع 151 من عند صيدلية العزبي لحد ما هتلاقي بنك أبو ظبي على شمالك بيت الرصيف هو الفيلا اللي قدامه

‎Beit El Raseef, Villa 9 street 151 from Hurreya square- Maadi. فيلا 9 شارع 151 متفرع من ميدان الحرية - المعادي امام بنك أبوظبي